Samkvæmt vefsíðunni Football London ætlar Arsenal sér að selja eða lána Rúnar Alex Rúnarsson markvörð félagsins í sumar.
Rúnar hefur í vetur verið á láni hjá OH Leuven og samkvæmt fréttinni mun belgíska félagið hafa áhuga að halda í Rúnar.
Klásúla er í samningi félaganna um kaup á markverðinum en samkvæmt fréttum telja Belgarnir hana helst til of háa.
Rúnar Alex var keyptur til Arsenal frá Dijon í Frakklandi sumarið 2020 og fékk nokkur tækifæri í marki Arsenal það tímabilið.
Hann var svo lánaður til Belgíu og hefur spilað vel. Footblal London segir að Mikel Arteta stjóri Arsenal telji Rúnar ekki eiga framtíð hjá félaginu og að hann sé ekki í plönum hans fyrir næsta sumar. Arsenal muni því reyna að selja eða lána Rúnar í sumar
