Bruno Fernandes hefur skrifað undir nýjan og betri samning við Manchester United. Miðjumaðurinn frá Portúgal sækir nú stóru seðlana.
Bruno kom til United í janúar árið 2020 og hefur verið jafn besti leikmaður liðsins síðan þá. Hann hefur hins vegar ekki verið sáttur með laun sín.
Bruno var með 100 þúsund pund á viku sem er ekki mikið í þessum bransa hjá stærstu liðum í heimi.
Samkvæmt enskum blöðum fær Bruno nú 240 þúsund pund á viku en samningur hans gildir til ársins 2026 með möguleika á auka ári.
Bruno hefur raðað inn mörkum fyrir United en félagið keypti hann frá Sporting Lisbon.