Leikkonan Chloe Cherry opnar sig um átröskun sem hún glímdi við eftir að hún byrjaði í klámi, en áður en Chloe steig sín fyrstu skref í leiklistaheiminum þá lék hún í klámmyndum.
Sjá einnig: Beint úr klámmyndaleik í eina vinsælustu þáttaröðina hjá HBO
Hlutverk hennar í vinsælu þáttunum „Euphoria“ á HBO Max er fyrsta hlutverk hennar utan klámsins og hefur hún vakið mikla athygli og lukku meðal áhorfenda.
Sjá einnig: Skilur ekkert í athyglinni sem varir hennar fá
Chloe var á dögunum í hlaðvarpinu „Call Her Daddy“ og sagðist hafa þróað með sér átröskun þegar umboðsmaður í klámbransanum kallaði hana feita.
„Hann sagði: „Öllum finnst þú feit og fljótasta leiðin til að léttast er að sleppa því að borða.“ Hann sagði þetta við mig og ég var alveg: „Hvað í fjandanum?““ Sagði Chloe.
Athugasemdin hafði mikil áhrif á hana, enda var hún aðeins átján ára á þessum tíma eins og hún benti á í viðtalinu.
„Hann sagði þetta við mig þegar ég var átján ára, og þetta var svo fokking skrýtið því fyrir þetta hafði enginn sagt neitt við mig um þyngdina mína en þetta varð að þráhyggju,“ sagði hún.
Chloe byrjaði að svelta sig og borðaði aðeins 200 kaloríur á dag. Henni tókst að fela átröskunina með því að segjast vera í „átaki“ og drakk aðeins einn grænan safa á dag
Til að ná bata þurfti Chloe að segja skilið við öll boð og bönn þegar kom að mataræðinu, hún þurfti meðal annars að hætta að vera vegan. Hún hvetur alla sem glíma við átröskun að leita sér hjálpar og ræða við sálfræðing.
„Mér leið ömurlega og kom illa fram við líkama minn, en núna tel ég ekki einustu kaloríu og borða bara það sem ég vil og geri það sem ég vil, og líkami minn lítur betur út en hann hefur nokkurn tíma gert allt mitt fokking líf.“