Í frétt Daily Mail í dag er sagt frá því að forráðamenn Liverpool séu reiðubúnir til þess að draga fram veskið til þess að lokka einn mest spennandi leikmann Barcelona til Bretlands.

Gavi er 17 ára miðjumaður Barcelona sem er talið mikið efni, þrátt fyrir ungan aldur hefur Gavi spilað 26 leiki fyrir aðallið Barcelona en samningur hans við félagið rennur út sumarið 2023.

Xavi, knattspyrnustjóri Barcelona ku vera með áætlun um að byggja lið Barcelona í framtíðinni í kringum Gavi en samkvæmt El Nacional er Liverpool reiðubúið að bjóða Gavi samning sem væri metinn upp á 3 milljónir punda.

Barcelona hefur verið í fjárhagsvandræðum og gæti átt í erfiðleikum með samkeppni við helstu félög Evrópu um leikmenn.

Gavi er með klásúlu í samningi sínum um að hann megi fara frá Barcelona ef það kemur tilboð upp á 42 milljónir punda en forvitnilegt verður að sjá hvað framtíð Gavi í knattspyrnuheiminum ber í skauti sér.