fbpx
Laugardagur 04.maí 2024
Pressan

Þetta eru helstu einkenni Ómíkron hjá bólusettu fólki

Kristján Kristjánsson
Miðvikudaginn 19. janúar 2022 05:44

Ómíkronafbrigði kórónuveirunnar. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Ómíkronafbrigði kórónuveirunnar heldur áfram að dreifast hratt út hér á landi og víðar. Nú liggur fyrir að afbrigðið er meira smitandi en fyrri afbrigði veirunnar en á móti kemur að það virðist ekki valda eins alvarlegum veikindum og hefur sjúkrahúsinnlögnum fækkað víðast hvar. En hver eru helstu sjúkdómseinkenni Ómíkron hjá þeim sem hafa lokið bólusetningu?

Því svaraði Tim Spector, prófessor og maðurinn á bak við breska ZOE einkenna appið, í samtali við News GP. ZOE appið gerir sjúklingum kleift að skrá líðan sína á meðan þeir glíma við COVID-19. Hann sagði að 2020 hafi fljótlega orðið ljóst að helstu einkenni Alphaafbrigðisins voru hósti, hiti og missir lyktarskyns auk tuttugu annarra atriða.

„Þegar Delta kom fram á sjónarsviðið tókum við eftir breytingu á helstu einkennunum. Kveflík einkenni á borð við nefrennsli, hálsbólgu og stöðugan hnerra urðu algengari ásamt höfuðverk og hósta, sérstaklega hjá þeim sem voru bólusettir,“ sagði hann.

Hvað varðar Ómíkron sagði hann að sjúkdómseinkennin líkist frekar venjulegu kvefi, sérstaklega hjá þeim sem eru bólusettir. Minna sé um einkenni á borð við ógleði, vöðvaverki og útbrot á húð.

Hann sagði að helstu einkenni Ómíkron hjá þeim sem hafa lokið bólusetningu séu: Nefrennsli, hálsbólga, hnerri, höfuðverkur, hósti, ógleði, vöðvaverkir, niðurgangur og útbrot.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

FréttirPressan
Fyrir 2 dögum

Þetta eru þær tegundir starfa sem gervigreindin mun fyrst gera óþörf

Þetta eru þær tegundir starfa sem gervigreindin mun fyrst gera óþörf
Pressan
Fyrir 2 dögum

Þess vegna skaltu aldrei haga þér illa í flugvél

Þess vegna skaltu aldrei haga þér illa í flugvél
Pressan
Fyrir 4 dögum

Klikkuð samsæriskenning um Joe Biden á miklu flugi

Klikkuð samsæriskenning um Joe Biden á miklu flugi
Pressan
Fyrir 5 dögum

Fjólublá baktería gæti verið lykillinn að því að finna líf á fjarplánetum

Fjólublá baktería gæti verið lykillinn að því að finna líf á fjarplánetum
Pressan
Fyrir 6 dögum

Katie lést í eldsvoða í stúdentaíbúðinni – Læknar gerðu óhugnanlega uppgötvun

Katie lést í eldsvoða í stúdentaíbúðinni – Læknar gerðu óhugnanlega uppgötvun
Pressan
Fyrir 6 dögum

Marsþyrla NASA er með „lokagjöf“ handa mannkyninu – En það er einn hængur á

Marsþyrla NASA er með „lokagjöf“ handa mannkyninu – En það er einn hængur á