Þegar 45 ára kona kom á bráðadeild sjúkrahúss í Túnis og átti erfitt með að losa þvag var hún sett í ýmsar rannsóknir. Óhætt er að segja að niðurstaða rannsóknanna hafi komið læknum í opna skjöldu.

Fjallað er um málið í Urology Case Reports. Þar lýsa læknar því að fyrstu rannsóknir á konunni hafi ekki varpað ljósi á hvað olli því að hún gat ekki kastað af sér vatni. Það var ekki fyrr en röntgenmyndir voru teknar af henni sem læknarnir sáu að hún bjó yfir gömlu og undarlegu leyndarmáli. Myndirnar sýndu nefnilega „risastóran stein“ sem var 8x7x8 cm.

Konan var svæfð og skorin upp því læknar töldu að um nýrnastein væri að ræða. Það reyndist rétt, um nýrnastein var að ræða en inni í honum var svolítið sem kom læknunum gríðarlega á óvart.

Þegar þeir brutu „skelina“ á honum sáu þeir að grænt vatnsglas var inni í honum. Það hafði verið svo lengi inni í konunni að kristallað salt hafði sest á það og steinn myndast utan um það.

Þegar konan vaknaði af svæfingu játaði hún fyrir læknum að hafa fjórum árum áður stungið glasinu upp í kynfæri sín af „erótískum ástæðum“ segir í skýrslu lækna um málið.

Glasið eyðilagði vefi í legi hennar og færðist síðan yfir í þvagblöðruna þar sem það varð að „steini“.

Konan var útskrifuð eftir tveggja daga sjúkrahúsdvöl og fann ekki fyrir neinum eftirköstum. Læknar segja að líklega hafi andleg veikindi valdið því að konan fann fyrir þörf til að setja glas inn í kynfæri sín.