Fyrrverandi landsliðsmaðurinn Rúrik Gíslason birti mynd af sér sköllóttum á Instagram á dögunum. Fréttablaðið greindi fyrst frá.

Rúrik sló í gegn og sýndi að innra með honum býr sannkölluð dansstjarna í þýska raunveruleikaþættinum Let‘s Dance.

Hann sýndi frá ferlinu þar sem sett var á hann eins konar hetta sem lét hann virðast vera sköllóttan og er líklegast hluti af búning fyrir danssýningu í Þýskalandi þar sem hann hefur farið á kostum. Hann sagði jafnframt að hann mun ekki koma til með að láta lokkana fljúga í komandi tíð.

Það eru vissulega mikil viðbrigði að sjá fyrrum fótboltamanninn sköllóttan en glæsilegur er hann engu síður.