Rúmenía og Ísland gerðu markalaust jafntefli í undankeppni HM karla 2022 í kvöld. Leikið var ytra. Neðst í fréttinni má sjá hvað Twitter-notendur höfðu að segja eftir leik.
Ísland byrjaði leikinn betur og var meira með boltann. Það vantaði þó upp á færasköpun á köflum í fyrri hálfleik.
Besta færi fyrri hálfleiks fékk Brynjar Ingi Bjarnason þegar boltinn barst fyrir fætur hans eftir hornspyrnu. Hann skaut hins vegar yfir af stuttu færi.
Rúmenar tóku aðeins við sér þegar leið á fyrri hálfleik. Hætta skapaðist nokkrum sinnum fyrir framan mark Íslands eftir hornspyrnur. Besta færi Rúmena í hálfleiknum kom eftir eina slíka. Þá fór boltinn af Alin Tosca og yfir mark Íslands.
Íslenska liðið gerði sig þó líklegt til að skora í tvígang undir lok fyrri hálfleiks. Fyrst gerði Albert Guðmundsson virkilega vel áður en hann átti skot framhjá marki heimamanna rétt fyrir framan vítateigslínu. Birkir Bjarnason fékk svo afbragðs færi stuttu síðar inn á teig Rúmena en Tosca kom til bjargar.
Staðan í hálfleik var markalaus. Frammistaða íslenska liðsins í hálfleiknum var heilt fyrir góð og hefði það hæglega getað farið með forystu inn í leikhlé.
Seinni hálfleikur var fremur rólegur. Þegar leið á hann færðu Rúmenar sig framar á völlinn, enda að meira að keppa fyrir þá en Ísland. Ianis Hagi komst langnæst því að skora fyrir þá á 85. mínútu þegar skot hans fyrir utan teig fór í innanverða stöngina á marki Íslands.
Inn vildi þó boltinn ekki, lokatölur 0-0 í Rúmeníu.
Úrslitin þýða að Rúmenía er í þriðja sæti, stigi á eftir Norður-Makedóníu sem er í umspilssætinu fyrir lokaumferðina. Rúmenía mætir Liechtenstein í lokaumferðinni á meðan Norður-Makedónía mætir Íslandi.
Ísland er í fimmta sæti en gæti endað í fjórða sæti riðilsins með sigri gegn Norður-Madedónum.
Get alveg ímyndað mér að það sé mjög þægilegt að spila fyrir framan Elías 🇮🇸1⃣ #foboltinet
— Guðmundur Ásgeirsson (@gummi_aa) November 11, 2021
Brynjar Ingi MOM. Ágætt. Voru að mæta liði sem hafði eitthvað að spila fyrir. Erfitt að ætla að spila upp á Svein Aron þegar Chirices var á sérsamningi hjá dómaranum
— Björn Már Ólafsson (@bjornmaro) November 11, 2021
Maður hefur oft verið kallaður Kristján Kristallskúla. pic.twitter.com/jSKB0JQ44c
— Kristján Óli Sigurðsson (@kristjanoli) November 11, 2021
Birkir Bjarna kann ekki að senda boltann #hannerfaviti
— haukur🇮🇸 (@haukurs01) November 11, 2021
Ég ber ómælda virðingu fyrir Birki Bjarnasyni og því starfi sem hann hefur sinnt í gegnum árin en þetta er líklega orðið gott hjá kappanum. Bætir metið í næsta leik og svo má alveg fara að skoða aðra kosti fyrir framtíðina. #takkBirkir
— Benedikt Gretarsson (@bennigretars) November 11, 2021
Birkir, ég elska þig og til hamingju með að jafna leikjametið en þessa sendingar eru hörmung.
— Alexander Freyr (@alexander_freyr) November 11, 2021
Nei ég meina þessi sending hjá Guðmundi Þórarins verðskuldar smá ást og virðingu 😍 pic.twitter.com/jEYDjFuHRi
— Albert Ingason. (@Snjalli) November 11, 2021
Guðjohnsen skipting fljótlega og við stelum þremur punktum. Bestu 60 mínúturnar undir stjórn Arnars í keppnisleik.
— Hörður S Jónsson (@hoddi23) November 11, 2021
Ég hef aldrei séð sorgmædd ára lukkudýr en hundinn hjá Rúmeníu með enga áhorfendur #fotboltinet
— dóri Sævarsson (@halldoringi) November 11, 2021
Jæja minn maður @BirkirSaevars bekkjaður á afmælisdaginn hans! #ARNAROUT #fotboltinet
— Hjalti Sig (@hjaltisiig) November 11, 2021
Besti hálfleikur undir stjórn Arnars vörninn nokkuð solid og Elías mjög öruggur í öllum aðgerðum okkar nr 1 næstu 15💪áfram gakk #fotboltinet
— Thorir Aronsson (@Thungur_79) November 11, 2021
Það vita það ekki allir en Dave Gahan söngvari Depeche Mode þjálfar Rúmena þegar sveitin er ekki að túra. #depechemode pic.twitter.com/pp1eCsi18E
— Þórður Helgi Þórðar (@Doddilitli) November 11, 2021
Landsbyggðarlandsliðsmenn alltaf meiri söngmenn #fotbolti
— Guðmundur Björn (@gudmundurbjorn) November 11, 2021
