fbpx
Þriðjudagur 21.október 2025
Fréttir

Lífeyrissjóður verzlunarmanna setur 138 fyrirtæki á útilokunarlista

Erla Dóra Magnúsdóttir
Þriðjudaginn 12. október 2021 13:05

Ekki missa af Helstu tíðindum dagsins í pósthólfið þitt

Lesa nánar

Lífeyrissjóður verzlunarmanna (LV) hefur nú sett alls 138 fyrirtæki á svokallaðan útilokunarlista og þegar hafa verið seldar eignir að virði rúmlega þriggja milljarða króna úr eignasöfnum LV vegna þessa. Þetta kemur fram í fréttatilkynningu.

„Ástæðan er að starfsemi fyrirtækjanna uppfyllir ekki skilyrði um sjálfbærni og ábyrgar fjárfestingar samkvæmt nýrri heildarstefnu stjórnar LV um ábyrgar fjárfestingar“

Stefna LV um útilokun felur í sér að fyrirtæki sem framleiða tilteknar vörur eða teljast brotleg við tiltekin alþjóðleg viðmið um mannréttindi og viðskiptasiðferði eru skráð á útilokunarlista og er liður í stefnumótum sjóðsins um ábyrgar fjárfestingar. Við útilokun er meðal annars litið til fyrirmynda frá leiðandi lífeyrissjóðum á Norðurlöndum.

„Á grundvelli stefnunnar hefur LV þegar sett 138 fyrirtæki á útilokunarlista; 88 fyrirtæki sem vinna kol, olíusand og olíuleir, 13 fyrirtæki í tóbaksframleiðslu, 22 fyrirtæki sem framleiða umdeild vopn (e. controversial weapons) og 15 fyrirtæki sem teljast brjóta gegn „UN Global Compalt„.“

Útilokunin varðar útilokun fjárfestingakosta úr eignasöfnum LV, það er fjárfestingar í tiltekinni starfsemi sem samræmast ekki skilgreindum viðmiðum eru útilokaðar hjá sjóðnum. Þannig er útilokað að verðbréf úr eignasafni LV séu gefin út af fyrirtæki eða opinberum aðila sem hefur tekjur af starfsemi eða gerist brotlegur við ákvæði tiltekinna alþjóðasáttmála.

Meðal fyrirtækja sem má finna á listanum eru eftirfarandi fyrirtæki:

Airbus SE – fyrir aðkomu að framleiðslu kjarnorkuvopna
General Electric Company – fyrir aðkomu að framleiðslu kjarnavopna 
RollsRoyce Holdings Plc – fyrir aðkomu að framleiðslu kjarnavopna
The Boeing Company – fyrir aðkomu að framleiðslu kjarnavopna 
British American Tobacco P.L.C. – fyrir framleiðslu tóbaks 
Philip Morris International Inc – fyrir framleiðslu tóbaks
American Electric Power Company Inc – fyrir orkuframleiðslu frá kolum til hitunar
Bayer Aktiengesellschaft – fyrir brot á alþjóðasamningum

Listann í heild sinni má lesa hér

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 23 klukkutímum

Sigmundur Davíð mögulega fyrsti maðurinn til að vera stunginn af moskítóflugu á Íslandi?

Sigmundur Davíð mögulega fyrsti maðurinn til að vera stunginn af moskítóflugu á Íslandi?
Fréttir
Fyrir 23 klukkutímum

Stefán Máni hugsi yfir hlutverki Þjóðleikhússins – „Greinilega orðin að peningasjúkum TikTok trúði sem er í samstarfi við sykurdíler“

Stefán Máni hugsi yfir hlutverki Þjóðleikhússins – „Greinilega orðin að peningasjúkum TikTok trúði sem er í samstarfi við sykurdíler“
Fréttir
Í gær

Bíræfinn þjófur rekinn úr starfi hjá Nettó

Bíræfinn þjófur rekinn úr starfi hjá Nettó
Fréttir
Í gær

Eflingarfélagar hafa áberandi lægstu tekjurnar 

Eflingarfélagar hafa áberandi lægstu tekjurnar 
Fréttir
Í gær

„Íslendingar þurfa aðeins að fara að hysja upp um sig buxurnar hvað varðar mannasiði“

„Íslendingar þurfa aðeins að fara að hysja upp um sig buxurnar hvað varðar mannasiði“
Fréttir
Í gær

Rifrildi sögð hafa brotist út í Hvíta húsinu á fundi Trump og Selenskíj

Rifrildi sögð hafa brotist út í Hvíta húsinu á fundi Trump og Selenskíj
Fréttir
Fyrir 2 dögum

Bændur mótmæla harðlega breytingum á reglum um ökuskírteini – Allir bændur þurfi að taka meirapróf

Bændur mótmæla harðlega breytingum á reglum um ökuskírteini – Allir bændur þurfi að taka meirapróf
Fréttir
Fyrir 2 dögum

Maður í Cleveland fann íslenskan miða í „nýjum“ buxum frá Amazon – Hyggst nú fá sér pizzu á Íslandi

Maður í Cleveland fann íslenskan miða í „nýjum“ buxum frá Amazon – Hyggst nú fá sér pizzu á Íslandi