Það er varla til maður sem YouTube- og Disney-stjarnan Jake Paul hefur ekki skorað á í slagsmálum en hann er að reyna að verða heimsins frægasti hnefaleikakappi án þess að slást við aðra hnefaleikakappa.
Það var mögulega feilspor hjá honum að skora á Tommy Fury en þrátt fyrir ungan aldur hefur hann náð að vinna sjö bardaga. Tommy þekkja margir en hann lenti í öðru sæti í breska raunveruleikaþættinum Love Island árið 2019.
Tommy er hálfbróðir Tyson Fury sem er einn frægasti hnefaleikakappi heims. Seinasti bardagi hans var gegn Anthony Taylor sem er æfingafélagi Jake Paul en Jake sigraði Tyron Woodley, fyrrum UFC-kappa, sama kvöld.
Á dögunum sást til Tommy á skemmtistað í Liverpool þar sem hann reif sig úr að ofan og apaði eftir górillu með því að slá sig í bringuna. Myndbandið vakti mikla athygli enda ansi furðulegt og ákvað Jake að gera grín af því.
@reecek1234Tommy fury in Liverpool 😂 ##fury♬ original sound – Reece Kerr407
Það má telja það líklegt að þeir mætist á næstunni enda vill Jake sanna sig í hnefaleikaheiminum og ætlar næst að berjast við „alvöru hnefaleikakappa“ eins og hann orðaði það. Þá nefndi hann Tommy sem einn af þeim sem hann vildi slást við og hefur Tommy einnig mikinn áhuga á að slást við Jake.
@jakepaul##duet with @reecek1234 put a shirt on you dosser
