Vandræði eru nú víða í verslunum með greiðslukortakerfi en truflanir eru á þjónustu SaltPay/Borgunar. SaltPay Ísland, sem tók yfir rekstur Borgunar í fyrra, birti svohljóðandi tilkynningu um málið:

„Kæru viðskiptavinir,

Kerfi fjármálastofnana, þar sem þjónusta okkar er hýst, er að ganga í gegnum óstöðugleika sem leiðir til vandamála í tengslum við vörur okkar og þjónustu. Við munum láta ykkur vita um leið og við erum með frekari upplýsingar.

Við biðjumst velvirðingar á þeim óþægindum sem þetta er að valda.

Best kveðjur,

SaltPay teymið“

Þess má geta að vefur Borgunar liggur einnig niðri en tilkynningin birtist á Facebook-síðu SaltPay.