Mikill viðbúnaður er hjá viðbragðsaðilum þessa stundina vegna elds í Glæsibæ. Eldurinn kom upp í þvottahúsi í kjallara turnsins í húsinu. Verið er að rýma svæðið en mikið af fólki er í kringum bygginguna. Reykkafarar eru á leið inn í húsið samkvæmt blaðamanni DV sem er á svæðinu.

Fjórir dælubilar eru fyrir utan bygginguna og tugir lögreglumanna einnig. Sjúkraflutningafólk er tilbúið á vettvangi en það lítur ekki út fyrir að neinn hafi slasast. Starfsfólk Hreyfingar stendur allt úti svo það er greinilega lokað.

Rennandi blautir reykkafarar sáust koma út úr byggingunni. Ágústa Johnson, framkvæmdastjóri Hreyfingar, er að leiðbeina slökkviliðinu. Þykkur reykur stígur út úr húsnæði Hreyfingar og lögreglan er að reka alla í burtu. Líka fjölmiðla.