Nokkrir þeirra áhrifavalda sem misst hafa Instagram-aðgang sinn í hendur hakkara frá Tyrklandi hafa fengið aðganga sína til baka. Til að mynda hefur Birgitta Líf, eigandi Bankastræti Club, komin með aðgang sinn til baka. Morgunblaðið greindi fyrst frá.
Hakkarinn hefur lokað fjölda aðganga og birti til að mynda mynd sem sýndi hann inni á aðgang Katrínar Jakobsdóttur forsætisráðherra á dögunum. Hann ákvað þó að loka hennar aðgangi ekki.
Þá hefur hann hafið að fylgja fólki á Instagram sem hafa þá lokað aðgangi sínum samstundis af ótta við að missa aðgang sinn.
DV hafði samband við hakkarann á dögunum og sagðist hakkarinn ekki gera þetta vegna ágreinings við áhrifavaldana. Þetta væru einungis viðskipti. Hann sagði að eigendur aðgangana myndu ekki fá þá til baka nema að greiða fyrir þá.
