Sjöfn Þórðar heimsækir Flateyinga í þættinum Matur & Heimili sem er á dagskrá Hringbrautar kl. 19 og 21 í kvöld.
Flatey á Breiðafirði er mikil náttúruperla og menningarafurð Íslands. Gjöful fiskimið liggja allt í kringum eyjuna og má með sanni segja að Flatey sé gjöful matarkista og ljúft er að njóta ferskra afurða þar úr firðinum. Hótel Flatey er staðsett í miðju gamla þorpsins í Flatey og útsýnið út frá hótelinu er eins og lifandi málverk af náttúraparadís sem á sér enga líka. Húsin í gömlu miðstöðinni eru timburvirki frá fyrir velmegnunartímum eyjunnar og flest þeirra hafa verið endurreist í sínum upprunalega stíl. Á hótelinu er finna margar leyndardóma eyjunnar, matarástríðuna, frumlegu kokteilana og mannlífið sem þar hefur blómstrað í áranna rás.
Sjöfn Þórðar heimsækir Hótel Flatey og fær fólkið sem þar stendur vaktina, hver á sínu sviði, til svipta hulunni af leyndardómum eyjunnar og hótelsins. Fyrst hittir Sjöfn Þorsteinn Bergsson framkvæmdastjóra Minjaverndar sem einnig er einn þeirra aðila sem stendur að rekstri Hótel Flateyjar og Sigríði Heiðar ráðgjafa og fær innsýn í sögu hússins, hótelsins og starfsemina.
Maturinn sem kokkurinn framreiðir á hótelinu endurspeglar náttúru og gnæð matarkistu Breiðarfjarðar. Friðgeir Trausti Helgason matreiðslumeistari stýrir eldhúsinu og notar ávallt ferskt hráefni úr firðinum, eins og krækling, fisk og hrogn. Einnig er hann með matjurtagarð og sækir þangað ferskt nýtt grænmeti og kryddjurtir á hverjum degi. „Matseðillinn á Hótel Flatey í sumar er töfluseðill þar sem ég er með frekar fáa rétti enn er sífellt að breyta um og nota ferskasta hráefnið sem ég kemst yfir að hverju sinni. Matur sóttur í matarkistu Breiðarfjarðar enn undir áhrifum af eldamennsku minni í New Orleans og LA,“segir Friðgeir og segir ekkert jafnast á við það að vera kokkur út í Flatey.
