Neven Ciganovic vill líta vel út að eilífu. Hann er 49 ára og frá Króatíu. Hann gekkst undir sína fyrstu fegrunaraðgerð 22 ára og hefur síðan þá farið í fjölda aðgerða. Hann hefur meðal annars látið breyta augnalit sínum, farið í augabrúnaígræðslu, aðgerð á augum, látið fylla í kinnar og varir og farið í nokkrar aðgerðir á nefi.
Neven kemur fram í nýlegum þætti hjá vefmiðlinum Truly á YouTube. Í þættinum viðurkennir hann að hann sé háður fegrunaraðgerðum og ætlar sér ekki að stoppa, þrátt fyrir að hafa þurft að kljást við sjaldgæfa aukaverkun. Eftir aðgerð, þar sem hann var svæfður, vaknaði hann með varanlega standpínu.
„Það gerðist í aðgerðinni. Ég held að svæfingin hafi verið kveikjan að þessu. Mér leið mjög illa og þetta var án efa versta upplifun ævi minnar. Ég þurfti að gangast undir þrjár aðgerðir á typpinu. Batinn var mjög erfiður og langur,“ segir hann en bætir við að þrátt fyrir þessa ömurlegu reynslu sé hann ekki hræddur við að gangast undir fleiri aðgerðir.
„Ég óttast mest að vera svæfður. Ef ég get gert aðgerð með staðdeyfingu þá vel ég það alltaf.“
View this post on Instagram
„Ég vil stöðva öldrunarferlið og vil líta út fyrir að vera á bilinu 35-45 ára. Þess vegna fer ég í aðgerðir. Ég held ég muni aldrei hætta að leggjast undir hnífinn, við erum öll að eldast. En ég vil stoppa þetta ferli,“ segir Neven.
Í þættinum er fylgst með honum fara í aðgerð þar sem fita er tekin úr líkama hans og síðan sprautuð í enni hans.
Horfðu á þáttinn í heild sinni hér að neðan.