Laufey Rún Ketilsdóttir, lögfræðingur og fyrrum aðstoðarmaður Sigríðar Andersen og núverandi starfsmaður þingflokks Sjálfstæðisflokksins, og Bergþór Ólason, viðskiptafræðingur og þingmaður Miðflokksins, eru nýjasta ofurpar Íslands. Þau láta ekki flokksskírteinið hafa áhrif á ástina og lék DV forvitni á að vita hvernig þau eiga saman ef litið er til stjörnumerkjanna.
Laufey er tvíburi og Bergþór er vog.
Vogin er óákveðin og vill að hlutirnir séu í fullkomnu jafnvægi. Tvíburinn er einnig óákveðinn en er rólegri þegar kemur að skipulagi. Hann þráir frelsi og er hrókur alls fagnaðar.
Saman mynda tvíburinn og vogin sterkt samband. Þau eru bæði málgefin og skörp.
Það er sjaldan leiðinleg stund hjá þeim. Þau búa bæði yfir geysimikilli andlegri orku, þau njóta þess að varpa fram hugmyndum, kenningum og gantast saman.
Tvíburinn er hugmyndaríkari en Vogin hjálpar honum að koma hugmyndunum í verk. Þau hafa bæði áhuga á öllu milli himins og jarðar sem skilar sér í endalausum samræðum.
18. júní 1987
Tvíburi
26. september 1975
Vog
