John Kerry, fyrrum utanríkisráðherra Bandaríkjanna, hefur orðið fyrir miklu aðkasti af hendi Repúblikana á síðustu dögum vegna ferðar sinnar til Íslands árið 2019. Kerry kom hingað til lands til að taka við verðlaunum á Arctic Circle þinginu. Jóhann Bjarni Kolbeinsson, fréttamaður RÚV spurði hann í viðtali eftir að hann þáði verðlaunin hvort það geti talist umhverfisvænt að ferðast með einkaþotu. Hann sagðist reyna að kolefnisjafna ferðir sínar og að einkaþota væri eina leiðin fyrir mann eins og hann til að bjarga umhverfinu. Það taki of langan tíma að sigla á milli landa.
Fram kemur í frétt Fox News um málið að einkaþotur skili 40 sinnum meiri kolefni á hvern farþega í andrúmsloftið en venjuleg farþegaflugvél. Tom Cotton, þingmaður Repúblikana, birti færslu á Twitter þar sem hann kallar Kerry hræsnara.
"John Kerry took a private jet to Iceland in 2019 to receive the Arctic Circle award for climate leadership."
Even by John Kerry's standards, this hypocrisy is remarkable. https://t.co/UtRbrb4yny
— Tom Cotton (@TomCottonAR) February 3, 2021
Newt Gingrich, fyrrum þingmaður Repúblikana, gerði síðan grín af Kerry og hrósar laxinum hjá IcelandAir í leiðinni.
People should quit picking on John Kerry for taking a private plane to Iceland for an environmental award. Do you really expect a political Prince like Kerry to sit in an Icelandair seat with mere citizens(Callista and I found the salmon they serve was superb)?of course not.
— Newt Gingrich (@newtgingrich) February 3, 2021
Þessi umræða hófst vegna nýs frumvarps Joe Biden um umhverfismál sem á að kosta 1.700 milljarða en Repúblikanar eru ekki sáttir með frumvarpið sem meðal annars John Kerry stendur fyrir.
