Manchester United er það félag í ensku úrvalsdeildinni, sem hefur hvað oftast snúið við leik, þar sem liðið hefur lent undir, yfir í stöðu þar sem liðið hefur gert jafntefli eða unnið.
Liðið hefur alls halað inn 21 stigi úr þeim leikjum þar sem liðið hefur lent undir en náð á endanum að fá eitt eða þrjú stig úr leiknum. Næst á eftir Manchester United í þessum flokki, kemur Liverpool með 10 stig.
Einn af slíkum sigrum kom í gær er Manchester United vann 2-1 sigur á Fulham eftir að hafa lent undir í leiknum.
Manchester United er á toppi ensku úrvalsdeildarinnar sem stendur með 40 stig eftir 19 leiki.