Sergio Aguero, leikmaður Manchester City, meiddist í leik liðsins við West Ham United í dag. Aguero byrjaði nýlega að spila með liðinu eftir að hafa sigrast á hnémeiðslum. Hann er nú kominn aftur á meiðslalista félagsins.
Pep Guardiola, knattspyrnustjóri Manchester City, staðfesti eftir leik liðsins í dag að Aguero kenndi sér meins í læri. Leikmaðurinn var tekinn af velli í hálfleik.
Það er ekki vitað á þessari stundu hversu slæm meiðslin eru og hversu lengi Aguero gæti þurft að vera frá.
