Netverji varpaði fram þessari spurningu á TikTok og hafa svör kvenna vakið mikla athygli. Instagram-síðan Feminist, sem er með 5,8 milljón fylgjendur, birti skjáskot af svörunum sem veita hrollvekjandi vísbendingu um raunveruleika kvenna.
Margar konur voru sammála um að þær myndu fara í áhyggjulausa kvöldgöngu.
„Fara út að ganga að kvöldi til,“ segir ein kona og hafa yfir 350 þúsund manns líkað við svar hennar.
Önnur segist myndi dansa á götum úti fram á nótt „án þess að óttast um líf mitt.“
Eins og fyrr segir hafa svörin vakið mikla athygli. Fjöldi karlmanna hafa skrifað við færslu Feminist og segir einn karlmaður að þeir þurfi að gera betur ef þetta er raunveruleikinn sem blasir konum.
„Þetta er niðurdrepandi, við karlmenn þurfum að gera betur,“ segir hann.
„Það er sorglegt að flest svörin snúast um að ganga einar úti að kvöldi til,“ segir annar karlmaður.
„Klæðast alvöru sundfötum og fara á ströndina,“ segir ein kona.
„Fara ein út að ganga eða ein út að hjóla,“ segir önnur.
„Fara í stóra lautarferð með vinkonum mínum seint að kvöldi og sofa undir stjörnubjörtum himni,“ segir ein, það hafa yfir 120 þúsund manns líkað við hennar svar.
„Ég veit ekki, klæðast því sem ég vil án þess að vera hrædd á götum úti,“ segir ein kona.
„Vera örugg á samfélagsmiðlum,“ segir ein og eru yfir 180 þúsund manns sammála henni.
Sjáðu fleiri svör í færslunni hér að neðan. Ýttu á örina til hægri til að sjá fleiri skjáskot.
https://www.instagram.com/p/CGAmdVQMimx/