Iran Angelo fyrrum eiginkona Givanildo Vieira de Sousa, betur þekktur sem Hulk, er ekki ánægð með frænku sína sem stakk undan henni og byrjaði með fyrrum eiginmanni sínum. Hulk leikur í dag með Shanghai SIPG í Kína en hann hefur þénað vel á ferli sínum.
Hulk er 34 ára gamall en hann sleit sambandi sínu við Angelo árið 2019, þau höfðu verið í sambandi í tólf ár.
Fimm mánuðum síðar sást fyrst til Hulk með Camila Angelo sem er frænka Iran. Þau giftu sig nokkrum mánuðum eftir skilnað Iran og Hulk.
,,Ég vakna og sofna á hverjum degi og skil ekki hvernig þetta gerðist. Ég er særð, stundum held ég að hjarta mitt sé að rifna. Hún var eins og dóttir mín,“ sagði Iran.
Iran kveðst hafa haldið frænku sinni uppi í mörg ár með gjöfum og fjárframlögum. „Ég gaf henni allt, frá því að hún kom í heiminn. Ég fórnaði draumum mínum til að að láta hennar drauma rætast.“
,,Ég er ekki bara að tala um gjafir og peninga, það er ekki flókið að gefa slíkt. Ég er að tala um ás, áhuga, virðingu og allt það. Hún vissi veikleika mína, hvar ég hef lítið sjálfstraust.“
,,Hún var aðstoðarkona mína um nokkurt skeið. Ég elskaði hana en treysti henni líklega of mikið.“
