fbpx
Þriðjudagur 06.maí 2025
Fréttir

Neitar að fjarlægja frétt – „Það þarf að fjarlægja fólkið“

Erla Dóra Magnúsdóttir
Þriðjudaginn 8. september 2020 13:22

Reynir Traustason.

Ekki missa af Helstu tíðindum dagsins í pósthólfið þitt

Lesa nánar

Krabbameinsfélag Íslands krafðist þess að Mannlíf tæki út frétt sem birtist á vef þeirra í gær þar sem rætt var við fyrrverandi starfsmann félagsins sem er sagður bera ábyrgð á mistökum við krabbameinsleit. Ritstjóri Mannlífs, Reynir Traustason, segir í ritstjórnarpistli að nærtækara væri að fjarlægja stjórn Krabbameinsfélagsins.

Þórdís Björg Kristinsdóttir, lífeindafræðingur, steig fram í viðtali við Mannlíf í gær sem hinn umræddi starfsmaður sem hefur verið kennt um mistök við greiningu frumubreytingasýna hjá Krabbameinsfélaginu. Sagði hún þar að hún hafi gert mannleg mistök og að henni sárnaði mjög sá varnarleikur sem félagið hefur spilað undanfarnar vikur þar sem allri sök er beint að Þórdísi.

Eftir að fréttin birtist hafði Krabbameinsfélagið samband við Mannlíf og krafðist þess að fréttin yrði tekin úr birtingu.

Reynir Traustason víkur að þessu í ritstjórnarpistli sem hann birti í dag.

„Stjórnendur Krabbameinsfélags Íslands krefjast þess að frétt Mannlífs með viðtali við starfsmenn sem þeir hafa gert að blóraböggli vegna ragnrar skimunar verði fjarlægð. Sömuleiðis krefjast þeir að aðrir fjölmiðlar dragi nafnbirtingu starfsmannsins til baka,“ skrifar Reynir. 

Reynir segir að stjórnendur félagsins hafi brugðist bæði skjólstæðingum sínum og starfsfólki.

„Mistök  við sýnatöku fólu í sér þá dauðans alvöru að fólk sem treysti á niðurstöðurnar bjó við falskt öryggi með líf sitt að veði. Staðfest dæmi er um slíkt og kona sem hafði mætt í skimun og greinst heilbrigð er skömmu síðar með ólæknandi krabbamein“ 

Reynir segir að viðbrögð Krabbameinsfélagsins hafi verið lítilmannleg. Í stað þess að taka ábyrgð á mistökunum hafi félagið ákveðið að fara þá leið að kenna starfsmanni um og upplýst að viðkomandi hafi glímt við andleg veikindi.

Félagið hafi án þess að nafngreina starfsmanninn gefið nægjanlega mikið í ljós til að hægt væri að hafa upp á nafni hennar.

„Stjórnin hefur dregið nafn þess niður í svaðið með svo grófum mistökum að fólk er agndofa. Til að kóróna allt annað krefst félagið þess að fréttir um starfsmanninn sem það úthrópaði verði fjarlægðar.“

Reynir bendir á að það hafi ekki verið nafnbirting Mannlífs sem skaðaði Þórdísi heldur háttsemi félagsins að útnefna hana blóraböggul.

„Öll stjórn Krabbameinsfélagsins og lykilstarfsmenn þess eiga að segja af sér og víkja. Félagið verður að blása til aðalfundar í því skyni að bjarga félaginu frá þeirri glötun sem blasir við undir núverandi stjórn. Fréttirnar um félagið á mannlif.is verða ekki fjarlægðar. En það þarf að fjarlægja fólkið sem er að rústa ímynd þess.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 11 klukkutímum

Vilhjálmur foxillur út í ríkisstjórnina „Það er ekki réttlæti. Það er svívirða“

Vilhjálmur foxillur út í ríkisstjórnina „Það er ekki réttlæti. Það er svívirða“
Fréttir
Fyrir 12 klukkutímum

Útburður að hefjast á Sigurbjörgu úr hryllingshúsinu við Bríetartún – „Ég fékk tvo virka daga til að vinna í málinu“

Útburður að hefjast á Sigurbjörgu úr hryllingshúsinu við Bríetartún – „Ég fékk tvo virka daga til að vinna í málinu“
Fréttir
Í gær

Bónus hefur afhent 500 nýfæddum börnum Barnabónus

Bónus hefur afhent 500 nýfæddum börnum Barnabónus
Fréttir
Í gær

Ferðamaður óttast að gera Íslendinga reiða með því að panta hvalkjöt – „Þetta er ekki einu sinni gott“

Ferðamaður óttast að gera Íslendinga reiða með því að panta hvalkjöt – „Þetta er ekki einu sinni gott“
Fréttir
Í gær

Segir vinnubrögð samskiptaráðgjafa hafa ýtt bróður sínum í sjálfsvíg – ,,Við fáum aldrei manninn til baka. Við ætlum að hreinsa mannorðið hans“

Segir vinnubrögð samskiptaráðgjafa hafa ýtt bróður sínum í sjálfsvíg – ,,Við fáum aldrei manninn til baka. Við ætlum að hreinsa mannorðið hans“
Fréttir
Í gær

Katrín segir Grænland ekki vera til sölu – Trump hótar á ný

Katrín segir Grænland ekki vera til sölu – Trump hótar á ný