Rekstarkostnaður Strætó mun líklega aukast um tvo milljarða króna á ári með tilkomu Borgarlínu. Þetta kemur fram í Morgunblaðinu í dag.

Þar er haft eftir Hrafnkeli Á. Proppé, forvarsmanni verkefnastofu Borgarlínu, að endanleg rekskraráætlun liggi ekki fyrir, sem sé þó eðilegt, og ekki sé ljóst hversu mikið tekjur muni aukast með hærra þjónustustigi Borgarlínu.

Hinsvegar liggi allar staðreyndir fyrir:

„Menn eru ekki í al­gjöru myrkri hvað þetta varðar. Það ligg­ur fyr­ir hvað mun kosta að reka vagna Borg­ar­lín­unn­ar. Hins veg­ar er enn verið að ítra leiðar­kerf­is­breyt­ing­ar sem munu spila inn í end­an­lega rekstr­aráætl­un fyr­ir allt leiðar­kerfi Strætó. Við erum í vinnu með Strætó sem miðar að því að ítra leiðarkerfið og því fylgja nýjar spár um notkunarhliðina. Sömuleiðis erum við að fá í hús niðurstöður félagshagfræðilegrar greiningar sem dregur fram að verkefnið er þjóðhagslega arðbært.“

Málþóf Miðflokksins

Sem kunnugt er hefur Miðflokkurinn staðið fyrir málþófi í þinginu í tengslum við samgönguáætlun, þar sem Borgarlínan er fyrirferðamikil.

Helsta gagnrýni Miðflokksins er einmitt sú að kostnaðaráætlun liggi ekki fyrir, né arðsemismat eða rekstraráætlun.

Kostnaðarsöm framkvæmd

Heildarkostnaður innviða Borgarlínu er áætlaður tæpir 50 milljarðar. Heildarkostnaður samgöngusamningsins alls er 120 milljarðar, þar sem ekki liggur enn fyrir hvernig 60 milljarðar verða fjármagnaðir, en helmingurinn er fjármagnaður af ríkinu og sveitarfélögunum.

Á árunum 2012-2018 fékk Strætó bs alls 26.6 milljarða í styrk frá ríki og sveitarfélögum. Alls 5.6 milljarða frá ríkinu og 21 milljarð frá sveitarfélögunum á höfuðborgarsvæðinu.

Var tilgangurinn að minnka umferð með því að fá fleiri í Stætó. Sú tilraun misheppnaðist þó algerlega, því á sama tíma stóð notkun Stætó í stað, meðan umferð hefur aukist til muna.

Sjá nánar: Strætó fengið yfir 26 milljarða í styrki frá árinu 2012 – Notkunin stendur í stað