Aðdáendur raunveruleikastjörnunnar Kylie Jenner hafa nú ásakað hana um ansi sérstaka notkun á photoshop. Hún deildi mynd af ökuskirteinu sínu á Instagram, en það tók aðdáendur ekki langan tíma að benda á að mögulega væri maðkur í mysunni. Frá þessu greinir Paper.
Kylie hafði nefnilega deilt mynd af ökuskírteini sínu áður í Instagram story og þar af leiðandi áttu einhverjir aðdáendur upprunalegu útgáfuna af myndinni. Að sjálfsögðu voru myndirnar tvær bornar saman.
Í fyrstu virðist lítill munur á myndunum, en þegar að þær eru skoðaðar nánar virðast einhverjar lagfæringar hafa verið gerðar. Þetta sést hvað best á myndbandi sem sýnir báðar myndirnar.
Sitt sýnist hverjum. Aðdáendur ná ekki saman um hvort að Kylie hafi photosjoppað myndina eða ekki. Heitar umræður hafa skapast um málið á samfélagsmiðlum. Þeir sem telja að um photoshop sé að ræða hafa kallað meint athæfi sorglegt og óhugnanlegt.
Á dögunum vakti svipað mál athygli, en þá deildi Kylie mynd af sér í sundlaug en aðeins tuttugu mínútum seinna eyddi hún út myndinni eftir að glöggir fylgjendur tóku eftir Photoshop mistökum. Nánar má lesa um það mál hér.
