Ronaldinho er laus úr fangelsi í Paragvæ en fer á hótel þar sem hann verður vaktaður. Ronaldinho var dæmdur í hálfs ár fangelsi en er laus eftir 32 daga.

Ronaldinho þarf að vera í stofufangelsi á lúxus hótelinu á meðan rannsókn er í gangi.

Ronaldinho borgaði 229 milljónir króna í tryggingu til að losna úr fangelsi og fara á hótel.

Þessi fertuga goðsögn mætti til Paragvæ með falsað vegabréf, en í heimalandi hans Brasilíu var búið að taka af honum vegabréfin.

Ronaldinho var með vegabréf bæði frá Brasilíu og Spáni, hann skuldaði hins vegar skattinum þar í landi og þurfti að skila inn vegabréfunum.

Buddan hjá Ronaldinho virðist þó ekki tóm þar sem hann borgar tæpar 230 milljónir til að losna úr fangelsi.