Forráðamenn Tottenham eru ekki sáttir með Jose Mourinho, eftir að hann sást með leikmönnum félagsins á æfingu í fyrradag. Mourinho hitti nokkra leikmenn félagsins í almenningsgarði og er það bannað, útgöngubann er á Englandi.

Mourinho hitti Davinson Sanchez, Ryan Sessegnon, Tanguy Ndombele í garðinum og lét þá æfa. Möguleiki er á því að Mourinho fái sekt fyrir þessa hegðun sína

Enska götublaðið Mirror segir að leikmenn Tottenham séu ekki sáttir, þar segir að eldri og reyndari leikmenn hópsins séu ósáttir með stjórann.

Þeir telja að Mourinho sé að senda út röng skilaboð til almennings á meðan útgöngubann er í gangi á Englandi.