Þegar eigandi hundsins Gody kom nýlega inn í eldhús sá hann hundinn liggja á bakinu á gólfinu eins og sést á myndinni. Honum brá að vonum mikið enda aðkoman ekki glæsileg. Feldurinn rauður og hundurinn grafkyrr. Eigandinn brást skjótt við og tók mynd af Gody.

Myndina birti hann síðan á samfélagsmiðlum og vakti hún hörð viðbrögð margra dýravina sem töldu eigandann vera að birta mynd af Gody dauðum. En það er ekki alltaf allt eins og það lítur út fyrir og það á svo sannarlega við í þessu máli.

https://www.facebook.com/100489268143260/photos/a.100490401476480/142827000576153/?type=3

Gody hafði nýtt tækifærið þegar eigandinn var ekki nærstaddur og náð sér í drekaávöxt og hámað í sig. Þegar hann hafði étið nægju sína hafði hann greinilega lagst ofan á ávöxtinn og kramið hann. Af þeim sökum varð feldurinn rauðleitur. Það er því ekki furða að margir hafi talið Gody vera dauðann þegar þeir sáu myndina.

https://www.facebook.com/candythecorgiofficiall/photos/a.105222384434436/116247883331886/?type=3

„Þetta hræddi næstum líftóruna úr mér. Nú hlæ ég bara.“

Skrifaði einn notandi á Facebook.

„Hann er svo sætur! Ég fékk næstum hjartastopp þegar ég sá þetta fyrst en síðan áttaði ég mig á hvað hafði gerst.“

Skrifaði annar notandi.

https://www.facebook.com/100489268143260/photos/a.100490401476480/142826930576160/?type=3