Apollonia Llewellyn er tvítug og fær rúmlega fjögur þúsund krónur í sinn vasa í hvert skipti sem einhver verður áskrifandi af OnlyFans síðunni hennar.
Áskrifendur fá aðgang að kynþokkafullum og djörfum myndum af henni sem aðrir fá ekki að sjá, heldur „bara aðdáendur“ eins og nafn síðunnar gefur til að kynna.
Apollonia hefur heldur betur haft mikið upp úr krafsinu síðan hún byrjaði að selja djarfar myndir af sér, hún hefur hún farið tólf sinnum í ferðalag og hefur tekist að safna sér fyrir innborgun á íbúð. Hún segir frá þessu í viðtali við The Sun.
Hún fær ekki aðeins greitt fyrir myndir heldur einnig fyrir að hafa samskipti við aðdáendur. Hún fær allt frá 800 krónur til 33 þúsund krónur fyrir að senda djarfar myndir og senda skilaboð.
Apollonia stækkar einnig tekjulindina með því að selja dagatöl með myndum af sér og notuð bikiní og notaða skó.
Þegar Apollonia var yngri var hún lögð í einelti fyrir að vera „ljót og feit.“ Í dag þénar hún rúmlega 8,2 milljón krónur á mánuði. Um 6,6 milljón krónur sem fyrirsæta og áhrifavaldur og um 1,6 milljón krónur fyrir OnlyFans-síðuna sína.
„Ég skoðaði bankareikninginn minn yfir jólin og sá að ég hafði eytt tæplega milljón krónum bara í fjölskylduna mína,“ segir hún.
„Síðan ég byrjaði á OnlyFans hefur mín upplifun verið lífsbreytandi. Ég hef alltaf verið með góðar tekjur en þetta gjörsamlega breytti því,“ segir hún.
„Ég hef heyrt að berbrjósta myndir selja vel, en ég fæ sama pening án þess að þurfa að fara úr að ofan.“
Apollonia er í sambandi og er kærastinn mjög stuðningsríkur.
Fær þjórfé frá aðdáendum
„Þegar maður talar við aðdáanda þá senda þeir stundum þjórfé. Ég fæ mikið af því. Í síðustu viku lagði einn 82 þúsund krónur inn á bankareikninginn minn. Annar gaur gaf mér 65 þúsund krónur og sagðist fá eitthvað úr því að gefa mér pening, eins og einhvers konar blæti. Þetta er satt að segja alveg brjálað,“ segir hún.
„OnlyFans er örugg síða og peningurinn fer beint í þinn vasa. Ef einhver er að spá í þessu þá mæli ég klárlega með því.“