Stúlkurnar sem keppa í Miss Universe Iceland 2017 í september næstkomandi hittust nýlega í Smáralind í snyrtivöruversluninni Inglot, þar sem þær voru leystar út með gjöfum, en Inglot er einn af styrktaraðilum keppninnar í ár og munu stúlkurnar verða farðaðar með Inglot-snyrtivörum á úrslitakvöldinu.

Guðrún Líf Björnsdóttir, rekstrarstjóri Inglot, og Ásta Gunnlaugsdóttir, kynntu vörurnar, en Inglot-merkið er eitt það árangursríkasta á markaðinum í dag, með 600 búðir í 80 löndum. Snyrtivörurnar frá Inglot eru tiltölulega nýlegar á Íslandi, en þær eru „cruelty free“ og ekki prófaðar á dýrum og gott úrval er af veganvörum. Inglot hefur verið í samstarfi við til dæmis KENZO, þar sem þau hönnuðu naglalökk og innblásturinn kom frá norðurljósunum á Íslandi. Megináhersla Inglot er lögð á fjölbreytt litaúrval og að verðið sé viðráðanlegt.

Gleðigjafinn Eva Ruza, sem verður kynnir á lokakvöldinu, mætti síðan á svæðið og sprellaði með stúlkunum.

Fögur ferna Ásta Gunnlaugsdóttir og Guðrún Líf Björnsdóttir hjá Inglot, Eva Ruza, sem verður kynnir á úrslitakvöldinu, og Aníta Ísey Jónsdóttir, sem mun sjá um sviðsmynd og framkomu.

Jenný Sulollari, 23 ára Miss Gullfoss, og Móeiður Svala Magnúsdóttir, 19 ára Miss Crystal Beach.

Viktoría Diljá Eðvarðsdóttir, 20 ára Miss Sólfar, og Helena Hrönn Haraldsdóttir, 19 ára Miss Western Iceland.

Enza Marey Massaro , 18, Miss Geysir, og Ester Elísabet Gunnarsdóttir, 19 ára Miss Hafnarfjörður.

Lilja Dís Kristjánsdóttir, 22 ára Miss Mosfellsbær, og Dagbjört Rúriksdóttir, 22 ára Miss East Reykjavík.

Louby Idrisi, 23 ára Miss Capitol Region, og Ragnhildur Guðmundsdóttir, 22 ára Miss Breiðholt.

Arna Ýr Jónsdóttir, 22 ára Miss Northern Lights, og Andrea Sigurðardóttir, 23 ára Miss Kópavogur.

Glæsilegar Manuela Ósk Harðardóttir, annar eigenda Miss Universe Iceland, og Guðrún Líf Björnsdóttir, rekstrarstjóri Inglot.