Í nýjasta helgarblaði DV eru nokkrir þekktir Íslendingar spurðir út í þeirra eftirminnilegustu jólagjafir. Tónlistarmaðurinn Páll Óskar er einn af þeim, en sú gjöf kom frá góðum vin.
„Jólagjöfin sem hefur reynst mér best kom frá Ingu Nasa, vinkonu minni og aðstoðarkonu fyrir þremur árum síðan. Stundum er ég eins og undin tuska eftir að hafa troðið upp á dansiböllum langt fram á nótt. Inga hefur svo sannarlega tekið eftir því. Hún gaf mér því stóra nuddrúllu úr korki. Ég hélt fyrst að þetta væri plat-drasl í anda Clairol-fótanuddtækisins. En þessi korkrúlla hefur reynst mér gríðarlega vel síðustu þrjú ár. Nú rúlla ég mér upp úr þessu fyrir og eftir gigg og það svínvirkar. Þetta jafnast á við góðan nuddtíma. Ég hef sjaldan verið jafn mjúkur og góður í skrokknum síðan ég fékk þessa jólagjöf frá Ingu Nasa.“
Lesið meira um eftirminnilegar jólagjafir í nýjasta DV.
