Ung kona, sem einnig er kasólétt, var farþegi í strætisvagni sem var á leið 14 núna á dögunum. Konan sat framarlega en þegar hún var komin á leiðarenda ætlaði hún að spara sér sporin og fara úr strætisvagninum að framan.

Strætóbílstjóranum fannst það þó ekki vera í lagi og brást vægast sagt illa við. Hann öskraði á konuna og skipaði henni fyrir um að koma sér út annars staðar en út um fremstu hurðina. „OTHER DOOR!“ eða „HIN HURÐIN!“ á hann að hafa öskrað.

DV fékk ábendingu frá móður stúlkunnar en faðir hennar, barítónssöngvarinn Ólafur Kjartan Sigurðarsson, tjáði sig einnig sig um málið á Twitter.

Dóttir mín, kasólétt, í Leið 14 frá @straetobs í dag. Í fremsta, staka sætinu, enda á hún oftast fótum sínum fjör að launa að ná að setjast niður áður en vagnar rjúka af stað. Endurtek, kasólétt. Reynir fara út að framan (lógískt). Vagnstjóri öskrar „OTHER DOOR“! Af hverju?

— Olafur Sigurdarson (@olisigurdarson) December 11, 2019

Strætó svaraði gagnrýninni og sagði að gjarnan væri fólki meint að fara út að framan þar sem það gæti stöðvað flæði fólks um vagninn. Faðirinn sagði að í þessu tilfelli hefði þó einungis verið ein manneskja að koma inn og þar sem dóttir hans er ólétt þá hefði það verið ósköp eðlilegt fyrir hana að fara styttri leiðina. Strætó tók undir þau orð.

Í þessu tilfelli var ein manneskja að koma inn að framan. Hér var kjörið fyrir ólétta konu að spara sporin og um leið flýta fyrir öllu og öllum. Ég veit að henni hefði ekki dottið þetta í hug ef það hefði tafið. Reglur eru víst stundum reglur, en framkoma og skynsemi skipta máli

— Olafur Sigurdarson (@olisigurdarson) December 11, 2019