Esperanza Gomez, 33 ára, var handtekin í Miami Beach í Flórída nýlega. Hún hafði setið að drykkju með unnusta sínum í íbúð þeirra. Um miðnætti kom vinkona þeirra í heimsókn en yfirgaf þau skömmu síðar. Eftir það kom til deilna á milli Gomez og unnustans sem enduðu með að hún beit hann í getnaðarliminn.

NBC skýrir frá þessu. Fram kemur að Gomez hafi orðið mjög reið út í unnusta sinna og hafi sakað hann um að vilja stunda kynlíf með annarri konu. Samkvæmt frásögn hans greip hún í hann og byrjaði að „pota í hann með hnífi“. Því næst hafi hún bitið í getnaðarliminn í „reiði“ sinni.

Þegar lögreglumenn komu á vettvang var unnustinn með áverka á bringunni.

Gomez er grunuð um að hafa ráðist á unnustann með lífshættulegu vopni og að hafa beitt hann ofbeldi. Hún var úrskurðuð í gæsluvarðhald en getur losnað úr haldi ef hún greiðir 6.500 dollara í tryggingu.