Jari Jones og Corey Daniella eru leikkonur, fyrirsætur og aktívistar. Þær hafa verið saman í tvö og hálft ár en hafa verið bestu vinkonur í átta ár. Jari og Corey eru báðar transkonur en þegar þær kynntust skilgreindu þær sig enn þá sem karlmenn.
Þær eru öflugir aktívistar fyrir LGBTQ+ samfélagið og voru meðal annars í átta herferðum í fyrra. Þær vissu það báðar frá unga aldri að þær höfðu fæðst í röngum líkama. „Ég held að eitt af því besta við að uppgötva sjálfa mig var að hafa einhvern með mér,“ segir Jari.
Þær segja Barcroft TV sögu sína. Í þættinum er rætt við parið áður en þær fara til Bangkok í Taílandi. Þar ætlar Corey í kynleiðréttingaraðgerð.
„Ég er svo spennt,“ segir hún. Síðan er rætt við Corey eftir aðgerð.
„Ég man þegar ég sá píkuna mína í fyrsta skipti eftir aðgerð, það var magnað,“ segir Corey.
„Þetta var sjö dögum eftir [aðgerð] og leit þegar út fyrir að vera allt sem ég vonaðist eftir og dreymdi um. Ég myndi segja að það erfiðasta við að koma heim var örugglega að koma heim. Ég mátti ekki hoppa, hlaupa, lyfta neinu þyngra en tvö kíló.
Þær segja Barcroft TV sögu sína.