Bryndís Schram er í viðtali í helgarblaði DV. Þar talar hún meðal annars um árin sem þau Jón Baldvin Hannibalsson voru sendiherrahjón í Bandaríkjunum. Hún segir: „Það var ekki fyrr en við fluttumst til Ameríku um árið, að ég fann til þess að vera allt í einu frjáls kona. Þá áttaði ég mig á því, hvað ég hafði búið við miklar hömlur hér heima árum saman – undir stöðugri smásjá gagnrýnenda, þar sem illgirnin leiddi öfundina. Sama hvað ég gerði. Ég mátti varla hreyfa mig, án þess að það væri komið í blöð eða eitthvert skítkast færi í gang.Í Ameríku var mér hins vegar tekið eins og venjulegri manneskju, og allir voru mér góðir og jákvæðir. Ég fékk að njóta mín allt í einu.“