Íbúi í Los Angeles sótti Disneyland garðinn í síðustu viku á meðan hann var með mislinga.

Heilbrigðisyfirvöld á svæðinu segja að einstaklingurinn hafi mögulega gert hundruði fólks berskjaldaða fyrir þessum afar smitandi veirusjúkdómi.

Þennan sama dag ferðaðist einstaklingurinn um Los Angeles áður en hann fór í Disneyland Heilbrigðisyfirvöld hafa vakið athygli á því að fólk sem fór á sömu staði og einstaklingurinn gæti hafa smitast af mislingum.

„Allir sem voru á sömu staðsetningunum og smitberinn eiga hættu á að fá einkenni mislinga á næstu þremur vikum.“

Eins og áður segir er mislingaveiran mjög smitandi. Samkvæmt embætti landlæknis smitast veiran oftast með úða frá öndunarfærum og snertingu við sjúkling. 

„Mislingaveiran er ein af mjög fáum sýklum sem smitast með andrúmslofti því veiran getur lifað og valdið smiti í allt að tvær klukkustundir eftir að hún berst út í andrúmsloftið. Einstaklingar með mislinga eru smitandi um það bil sólarhring áður en þeir fá einkenni og í um 6 daga eftir að einkenni koma fram. Algengast er að smitaðir fái einkenni 10-12 dögum eftir smit en það getur tekið frá einni og upp í þrjár vikur eftir smit.“