Ole Gunnar Solskjær, stjóri Manchester United, ætlar að styrkja leikmannahóp liðsins í janúar.
Það er óvíst hversu mikið Solskjær fær til að eyða en hann fékk þrjá leikmenn til félagsins í sumar.
Solskjær vill fá miðjumann inn á nýju ári eftir slakar frammistöður Fred og Nemanja Matic.
Samkvæmt fréttum kvöldsins þá er Solskjær að skoða það að fá landa sinn Mathias Normann til félagsins.
Normann er 23 ára gamall miðjumaður en hann er á mála hjá Rostov í Rússlandi og var áður hjá Brighton.
Normann er liðsfélagi Ragnars Sigurðssonar hjá Rostov og hefur verið flottur fyrir félagið á þessu ári.