Myndband af móður hrekkja tvo syni sína hefur gengið eins og eldur í sinu um netheima síðustu daga.

Felicity Crane sló í gegn á TikTok í síðustu viku og fékk yfir 41 milljón áhorf á myndbandið sitt. Í myndbandinu er hún að hefna sín á sonum sínum með því að hrekkja þá. Óljóst er fyrir hvað hún er að hefna sín.

Felicity plataði syni sína að hún hafi skorið af sér fingur á meðan hún var að elda kvöldmat fyrir fjölskylduna.

Í myndbandinu byrjar hún á því að skera gulrætur og sker eina gulrót þannig að hún lítur út eins og fingur. Hún síðan setur rauðan matarlit yfir gulrótina, svo það líti út eins og blóð. Hún beygir síðan miðju fingurinn og setur „blóðuga“ gulrótina í staðinn, svo það líti út eins og hún sé verulega slösuð. Næst öskrar hún eins hátt og hún getur og koma strákarnir hlaupandi inn í eldhús.

Drengirnir eru vægast sagt skelfingu lostnir og hlaupa um allt eldhús í leit að einhverju til að hjálpa móður sinni. Einn kemur með pönnu og setur á hönd hennar. Felicity öskrar að hún þurfi handklæði. Síðan segir hún þeim að hringja í neyðarlínuna og þeir spyrja hvar síminn er, hún bendir þeim á símann og þá átta þeir sig á því að það sé verið að taka þá upp.

Sjáðu viðbrögð þeirra í myndbandinu hér að neðan.

https://www.youtube.com/watch?v=7pv0nK-AlKM

Hvað segja lesendur, góður hrekkur eða var þetta illa gert?