Atvikið gerðist eftir að fjöldi fólks var að reyna að soga bensín úr trukknum til eigin nota. Lögreglan á svæðinu segir að mikill fjöldi fólks hafi auk þess særst eftir að trukkurinn sprakk. BBC greinir frá því að 70 manns séu særðir.
Fólk sem var vitni að atvikinu segir að mikill fjöldi fólks hafi safnast að trukknum eftir að hann bilaði. Það var þó ekki bara fólk sem var að stela bensíni sem lenti illa í sprengingunni samkvæmt vitnum.
„Ástandið er mjög slæmt. Mikill fjöldi fólks lést og ekki bara þjófarnir heldur líka saklaust fólk, þetta er mjög erilsamt svæði.“
Lögreglustjóri á svæðinu segir að mikill fjöldi þeirra sem létust hafi verið ökumenn sem unnu við að keyra fólk á mótorhjóli.
Svona atvik eru því miður ekki sjaldséð í Austur-Afríku en árið 2013 varð mjög svipað slys í Úganda. Þar dróst fólk einnig að bensíninu en 29 manns létust í því slysi.
