Unai Emery, stjóri Arsenal, var ekki ánægður með hvernig hans leikmenn enduðu tímabilið.

Arsenal spilaði alls ekki vel undir lokin í ensku úrvalsdeildinni og tapaði svo 4-1 gegn Chelsea í úrslitum Evrópudeildarinnar.

Emery reynir að komast að því hvað sé að í hópnum og kallaði alla leikmenn liðsins á fund áður en þeir fóru í sumarfrí.

Þar ræddi Emery við hvern og einn undir fjögur augu en starfsfólk félagsins fékk einnig að segja sína sögu.

Nokkur stór nöfn eru að kveðja Arsenal í sumar og vonast Emery til að fá sterkari hóp fyrir næstu leiktíð.

Hann setur spurningamerki við andlegan styrk leikmanna sinna sem misstu af Meistaradeildarsæti eftir slaka frammistöðu.