Tímaritið Us Weekly staðhæfir það að leikarinn Bradley Cooper og ofurfyrirsætan Irina Shayk séu hætt saman. Í kjölfarið hafa tístverjar keppst við að tjá sig um sambandsslitin, í ljósi sögusagna sem fóru á kreik fyrr á árinu um að Bradley og meðleikkona hans í A Star is Born, Lady Gaga, væru ástfangin.
Það má segja að þessar sögusagnir hafi farið á flug eftir að Lady Gaga og Bradley sungu lagið Shallow saman á Óskarnum í febrúar síðastliðnum. Þá voru margir sannfærðir um að það væri eitthvað meira á milli þeirra, en því hafa þau staðfastlega neitað. Segja þau ávallt að samband þeirra hafi verið á faglegum nótum.
Nú eru þau hins vegar bæði einhleyp, þar sem Lady Gaga sleit trúlofun sinni við Christian Carino rétt eftir Óskarsverðlaunahátíðina. Þá fara þessar sögusagnir aftur á flug og telja margir víst að Lafðin og Bradley byrji nú saman – að það hafi í raun alltaf neistað á milli þeirra.
Hér má sjá nokkur viðbrögð aðdáenda við fréttum dagsins um sambandsslit Irinu og Bradley:
