ÍBV hefur ekki verið að íhuga að reka Pedro Hipolito, þjálfara liðsins í Pepsi Max-deild karla. Vísir.is segir frá.
Dr. Football fjallaði um það í dag að ef ÍBV hefði tapað gegn ÍA, þá hefði Pedro Hipolito verið rekinn. Hermann Hreiðarsson átti að taka við samkvæmt hlaðvarpsþættinum sem Hjörvar Hafliðason, stýrir.
„Ertu eitthvað bilaður? Nei, við ætlum ekki að skipta um þjálfara. Það kemur ekki til greina,“ sagði Haraldur Bergvinsson, varaformaður meistaraflokksráðs karla hjá ÍBV við Vísir.is.
ÍBV vann sinn fyrsta sigur í Pepsi Max-deild karla gegn ÍA í gær, annar sigur ÍBV í röð eftir sigur á Fjölni í bikarnum, í miðri síðustu viku.
„Hann er að gera mjög góða hluti og við vissum að þetta myndi koma hjá honum. Það er heldur engin lausn að losa sig alltaf við þjálfarann.“
