Ástrálska gamanleikkonan Celeste Barber mætti í viðtal til þáttastjórnandans Jmmy Kimmel fyrir stuttu þar sem hún ræddi hvernig hún varð heimsfræg á Instagram fyrir að líkja eftir myndum stjarnanna. Barber er með 5,7 milljónir fylgjenda á samfélagsmiðlinum.
„Ég hef leikið að eilífu í Ástralíu en öllum er sama um það, en um leið og ég birti semi-nakta mynd af mér samhliða mynd af Kim Kardashian á sandhaugi þá er ég komin í framboð til forseta,“ segir Barber en bætir þó við að hún hafi engan áhuga á að bjóða sig fram.
„Þetta er Beyoncé, þetta er ekki Beyoncé,“ segir Barber þegar Kimmel sýnir áhorfendum nokkur sýnishorn af myndunum sem gert hafa hana heimsfræga, en þetta byrjaði allt saman í janúar árið 2015.
En það er ekki bara venjulegt fólk sem hefur gaman af myndum Barber, heldur eru stjörnurnar sjálfar líka aðdáendur og hún margoft fær beiðni frá þeim um að gera grínmynd af myndum þeirra.
Barber hefur þátt í tískuvikunni í New York í boði fatahönnuðarins Tom Ford, hún hefur gefið út bókina Challence Accepted, er að byrja með pod-cast Celeste And Her Best, og er á leiðinni á sýningarferðalag um Evrópu og Bandaríkin.
Aðspurð um hvernig er að skrifa bók segir Barber að það sé líkt því að eignast barn.
„Ég get gert þetta, ég er að gera þetta og er að hata þetta, ég er að drepast hérna og svo nokkrum mánuðum seinna: „ég gæti gert þetta aftur“ og maðurinn þinn er bara “NEI!””
Fylgjast má með Barber á heimasíðu hennar, Facebook-síðu og Instagram.
