Virgil van Dijk, leikmaður Liverpool, neitar því að hann sé besti varnarmaður heims.

Það eru ófáir sem tala um Hollendinginn sem besta hafsent heims í dag en hann hefur verið frábær fyrir þá rauðu.

Van Dijk tekur þó ekki þátt í þeirri umræðu og mun ekki taka undir þau ummæli stuðningsmanna.

,,Það er enginn sem getur eignað sér þann titil – þetta snýst bara um skoðanir fólks,“ sagði Van Dijk.

,,Við þurfum bara að njóta þess þegar leikmenn eru að spila vel og mér líður vel þessa stundina.“

,,Augljóslega er búist við miklu þegar þú kostar metfé en það er ekkert sem þú getur gert í því.“

,,Þú þarft bara að standa þig á velli og virðingin kemur út frá því. Ég hef reynt að gera það frá byrjun og það hefur gengið vel.“