Zinedine Zidane, stjóri Real Madrid, neitar að staðfesta það að Toni Kroos verði áfram hjá félaginu á næstu leiktíð.
Kroos er orðaður við brottför eins og aðrir leikmenn Real en Þjóðverjinn er sagður vilja komast burt.
Zidane er hrifinn af Kroos sem leikmanni en getur ekki staðfest hvort hann fari annað eða ekki.
,,Toni er mikilvægur leikmaður fyrir okkur. Hann hefur verð hér í fimm ár og hefur gert frábæra hluti,“ sagði Zidane.
,,Hann er frábær leikmaður sem róar hlutina. Mér hefur alltaf líkað vel við hann.“
,,Það tala allir um Toni, og aðra leikmenn þegar kemur að því hvort ég vilji nota þá eða ekki.“
,,Allir leikmenn eru góðir og mikilvægir. Það verða breytingar en ekki núna, í lok tímabils.“