Ole Gunnar Solskjær verður stjóri Manchester United næstu þrjú árin ef allt gengur upp.
Solskjær tók við liði United í desember af Jose Mourinho en sá síðarnefndi var rekinn eftir slæmt gengi.
Solskjær hefur náð góðum árangri sem stjóri United en spilamennska liðsins hefur batnað eftir hans komu.
Norðmaðurinn er einnig fyrrum leikmaður United og lék undir stjórn Sir Alex Ferguson hjá félaginu.
Hann neitar að leggja bifreið sinni í gamla bílastæði Ferguson sem er sigursælasti stjóri í sögu United.
,,Mér finnst það bara ekki vera rétt að leggja þarna. Þetta er ennþá staður stjórans,“ sagði Solskjær við starfsfólk United.
Solskjær er einn um það en þeir David Moyes, Louis van Gaal og Mourinho notuðu allir það bílastæði.
