Radja Nainggolan, leikmaður Inter Milan, hefur látið liðsfélaga sinn Mauro Icardi heyra það.

Icardi hefur verið í kuldanum síðustu vikur en hann heimtar að fá betri samning hjá félaginu.

Nainggolan er orðinn þreyttur á þessu bulli og vill að þessi mál verði leyst endanlega og hætti að skemma fyrir öðrum hjá félaginu.

,,Allir leikmenn félagsins eru mikilvægir en það er enginn ómissandi,“ sagði Nainggolan.

,,Mauro er frábær leikmaður en við eigum annan framherja í Lautaro Martinez og hann hefur gert vel þegar hann fær tækifæri.“

,,Það er of mikið sem hefur verið sagt. Ef það eru vandamál á milli Mauro og einhvers annars þá er það undir honum komið að koma því í lag og hætta að skemma fyrir liðinu.“

,,Þetta er komið gott. Hann er heill og mætir á æfingar eins og aðrir. Ef hann heldur áfram svona þá eru hann og hans mörk mikilvæg fyrir liðið.“