Vefverslunin Bambus.is býður upp á afar fjölbreyttar vörur innan ákveðinnar hugmyndafræði. Allar vörurnar eru umhverfisvænar og meðal annars er í boði fatnaður, unninn úr lífrænni ull og silki. Enn fremur býður verslunin upp á umhverfisvænar ungbarnavörur eins og margnota taubleiur og fylgihluti ásamt burðarsjölum og pokum sem styrkja tengsl foreldra og barns, sem og leikföng, föndurvörur og skólavörur sem byggja á Waldorf-stefnunni, en hún veitir mikið rými fyrir sköpunargleði barnsins og gengur út á að fræða þau með leik og uppgötvun í stað ítroðslu.

„Í Waldorf-stefnunni er ekki bara verið að þjálfa heilann heldur snýst þetta um allt í senn, hug, hönd og hjarta. Jöfn áhersla er á listgreinar eins og bóklegar greinar. Vakinn er áhugi og eftirvænting hjá barninu, stærðfræði, framkoma, lestur og heimanám – allt er þetta gert spennandi,“ segir Dagný Ósk Ásgeirsdóttir, eigandi Bambus.is.

„Í samræmi við þetta eru líka leikföngin sem við erum með en þau eru úr náttúrulegum efnum og til dæmis eru púslin ekki bara með eina rétta leið heldur fær sköpunargleði barnsins fær að njóta sín,“ segir Dagný enn fremur.

„Taubleiur eru alltaf að verða vinsælli og eru ástæðurnar helst umhverfisvitund og sparnaður. Samkvæmt tölum sem ég hef fengið frá Sorpu og íbúafjölda á höfuðborgarsvæðinu þá reiknast út að á árinu 2014 fóru 2.616 tonn af bréfbleium og bréfdömubindum til Sorpu til urðunar. Og svo tekur það hverja einustu bréfbleiu 200–600 ár að leysast upp í umhverfinu. Síðan eru taubleiurnar líka miklu flottari. Við erum með mikið úrval af taubleium og veitum foreldrum allar upplýsingar um eiginleika og notkun.“

Ýmiss konar uppbyggilegar bækur eru til sölu í Bambus.is, meðal annars skemmtilegar föndurbækur fyrir foreldra til að föndra fyrir og með börnum sínum.

Sem fyrr segir eru allar vörur í Bambus.is umhverfisvænar og sem dæmi má nefna að verslunin selur margnota dömubindi og brjóstainnlegg.

Nánari upplýsingar og vefverslun eru inni á vefsvæðinu www.bambus.is. Vörur eru sendar hvert á land sem er. Auk netverslunarinnar rekur Bambus.is verslun að Borgartúni 3 og þar er gott að koma og skoða úrvalið og fá ráðgjöf. Verslunin er opin mánudaga og fimmtudaga frá kl. 10 til 14.