Upptakarinn og aðgerðarsinninn Bára Halldórsdóttir verður gestur spunahópsins Improv Ísland á sýningu hópsins í Þjóðleikhúskjallaranum næstkomandi miðvikudag.

„Ég er gestur, þau fá alltaf einhvern nýjan, fá orð úr salnum og gesturinn segir sögu sem tengist því og svo leika improv artistarnir eitthvað útfrá því, ef ég skil þetta rétt,“ segir Bára, en meðal þess sem leikararnir spinna úr eru sannar sögur úr lífi Báru.

„Þau höfðu samband við mig og buðu mér,“ segir Bára, sem er spennt fyrir kvöldinu. „Þetta hljómar skemmtilegt og spennandi.“

En veit Bára hvað hún er að koma sér út í?

„Nei, er það ekki bara skemmtilegra?“

Þá verður Bára einnig gestur á sýningunni Nornaseiður í kvennafans í Iðnó á kvennadaginn 8. mars þar sem hún spáir í framtíðina.

https://www.instagram.com/p/BuBjZ_0gDPE/?utm_source=ig_share_sheet&igshid=1akybs7aweokt&fbclid=IwAR0JJKuKxkZmTdOLSvLAWRTm6z5lDmeJppXc68KTp_r_NXQhHrfLlsba3Vw