Ellen DeGeneres gaf stærstu gjöf sem hún hefur nokkurn tíman gefið í spjallþætti sínum The Ellen DeGeneres Show í vikunni. Hún gaf þeim eina milljón Bandaríkjadala sem samsvarar 120 milljónum íslenskra króna.

Hjónin Christi Daniels og Robert Daniels eiga fjóra syni. Síðastliðinn nóvember voru þau í spjallþætti Ellen og unnu alls konar vinninga eins og gjafakort, sjónvarp og tvo flugmiða. Vinningana hlutu þau vegna vinnu sinnar fyrir samfélagið, þrátt fyrir eigin fjárhagsleg vandræði.

Í þættinum í vikunni kom Ellen fjölskyldunni á óvart á heimili þeirra í Hawthorne, Kaliforníu. Ellen sagði fjölskyldunni að koma með sér, en sagði þeim ekki hvert. Farið var með hópinn á sett The Ellen DeGeneres Show og fékk Ellen fjölskylduna til að sitja uppi á sviði með sér og lofsöng þau.

„Alveg sama hvað þið eruð að kljást við, alveg sama hvort þið eigið erfitt að láta launin duga, þið viljið samt hjálpa öðrum,“ sagði Ellen.

„Þið eruð hér því við viljum gera eitthvað stórt sem við höfum aldrei gert áður. Þetta er það stærsta sem við höfum einhvern tímann gert. Þannig, eruð þið hrifin af Cheerios?“

Í samstarfi við Cheerios gaf Ellen fjölskyldunni 60 milljónir króna. Viðbrögð fjölskyldunnar voru stórkostleg. En Ellen var ekki búin, hún gaf þeim aðrar 60 milljónir króna svo þau gætu gefið öðrum sem þurftu á því að halda.

Sjáðu myndbandið hér að neðan af stórkostlegum viðbrögðum fjölskyldunnar.