Lilja Alfreðsdóttir menntamálaráðherra gekk upp að Gunnari Braga Sveinssyni, þingmanni Miðflokksins, í þingsal í dag og hvíslaði einhverju að honum. Hún settist síðan aftur niður en fór svo aftur til hans og sagði eitthvað meira við hann. Síðan yfirgaf hún þingsalinn. DV hefur reynt að ná tali af Lilju en án árangurs.
Sjá einnig: Hlustaðu á upptökuna þegar Gunnar, Bergþór og Sigmundur gerðu lítið úr Lilju – „Who the fuck is that bitch?“
Gunnar Bragi mætti aftur til starfa á þingi í dag í kjölfar Klaustursmálsins. Endurkoma hans, sem og Bergþórs Ólasonar, var óvænt og hafa þingmenn talað um að andrúmsloftið sé skrítið. Halldóra Mogensen, þingmaður Pírata sagði:
„Ég verð að viðurkenna að það hefur aðeins sett mig úr jafnvægi að sjá Klaustursmenn sitja hér inni í þessum sal eins og ekkert hafi í skorist. En við verðum víst að halda áfram.“
Jón Steindór Valdimarsson, þingmaður Viðreisnar, tók í svipaðan streng: „Mér þykir nú heldur skuggsýnt yfir þingsalnum í dag.“
Sexmenningarnir á Klaustri létu ýmis ummæli falla um Lilju, var hún meðal annars kölluð „tík“ og „gugga“ sem „spilaði á karlmenn eins og kvenfólk kann“. Í viðtali í Kastljósi viku eftir að DV og Stundin byrjuðu að birta fréttir upp úr upptökunum sagði Lilja að hún hefði upplifað þetta sem ofbeldi.
Sjá einnig: Segir Sigmund, Gunnar og Bergþór vera ofbeldismenn
Sjá einnig: Lilja: „Yfirlýsingar þingmanna Miðflokksins eru óafsakanlegar“
Hér má sjá myndband af atvikinu á vef RÚV.